Stuttir notendaskilmálar

1. Kynning

1.1 Þessir notendaskilmálar (“Skilmálar”) gilda um notkun á vefþjónustu (“Þjónustan”), sem veitir notendum (“Notendur” eða “þú”) aðgang að tæknivettvangi fyrir fjárfestingar, meðal annars með stofnun og stjórnun “special purpose vehicles” (“SPV”) eða sambærilegra félaga (“Kaupfjelög”).

1.2 Með því að nota Þjónustuna samþykkir þú þessa Skilmála í heild. Ef þú samþykkir þá ekki, skaltu hætta notkun.

2. Eðli þjónustu

2.1 Eingöngu vettvangur: Þjónustan er tæknilegur vettvangur sem auðveldar skráningu, samskipti og framkvæmd fjárfestinga. Hún veitir ekki fjármálaráðgjöf, eignastýringu né starfar sem fjármálafyrirtæki.

2.2 Engin ábyrgð á vali: Þjónustan veitir aðgengi að mögulegum fjárfestingatækifærum (“Tækifæri”) án ábyrgðar á gæðum þeirra eða frammistöðu. Allar ákvarðanir um þátttöku eru teknar að fullu á þína ábyrgð.

3. Hæfi og skyldur notenda

3.1 Aldur og rétthæfi: Þú staðfestir að þú sért að minnsta kosti 18 ára og hafir lagalega heimild til að stofna samninga og taka fjárfestingaákvarðanir samkvæmt gildandi lögum.

3.2 Réttar upplýsingar: Þú berð ábyrgð á að allar upplýsingar sem þú veitir séu réttar og uppfærðar. Rangar eða ófullnægjandi upplýsingar geta leitt til lokunar á aðgangi.

3.3 Fylgni við lög: Notendur skulu fara að öllum lögum, reglum og fyrirmælum sem kunna að gilda um fjárfestingar, peningaþvættisvarnir og tengd málefni.

4. Engin fjármálaráðgjöf

4.1 Upplýsingar til kynningar: Allt efni um Tækifæri er eingöngu til almennra kynninga. Þjónustan veitir engar yfirlýsingar um hagkvæmni, arðsemi, áhættu eða lögmæti fjárfestinga, og kemur ekki nálægt gerð kynningarefnis.

4.2 Ábyrgð á eigin ákvörðunum: Notendur bera einir ábyrgð á öllum fjárfestingaákvörðunum sínum. Mælt er með að leitað sé faglegrar ráðgjafar (t.d. lögfræðinga, endurskoðenda eða fjármálaráðgjafa) áður en skuldbindingar eru gerðar.

5. Ferli og aðild að Kaupfjelögum

5.1 Stofnun Kaupfjelaga: Þjónustan auðveldar stofnun félaga um sérstakan tilgang (e. Special Purpose Vehicle) eða sambærilegra félaga. Við stofnun þarf að staðfesta sérstaka skilmála (s.s. samþykktir, hluthafasamninga eða sambærilegt) sem geta verið mismunandi eftir verkefnum.

5.2 Fjármögnun og greiðslur: Þegar Notendur hafa skráð fyrirhugaðar fjárhæðir og náð lágmarksmarkmiði, mun Þjónustan annast skipulagsferlið (t.d. stofnun kennitölu, gerð samþykkta o.s.frv.).

5.3 Riftun og endurgreiðslur: Takist ekki að ná fjármögnunarmarkmiði innan fyrirfram skilgreinds frests, er almennt gert ráð fyrir að öllu innborguðu verði skilað, að teknu tilliti til raunverulegs kostnaðar.

6. Takmörkun ábyrgðar

6.1 Almennt: Þjónustan er veitt “eins og hún er” (“as is”) án neinna ábyrgðaryfirlýsinga.

6.2 Áhættur: Allar fjárfestingar fela í sér áhættu og er möguleiki á algjöru tapi. Þjónustan ber enga ábyrgð á tjóni sem kann að hljótast af þátttöku í Tækifærum.

6.3 Engin ábyrgð á árangri: Rekstraraðili Þjónustunnar ábyrgist ekki árangur, arðsemi eða öryggi einstakra Tækifæra.

6.4 Óviðráðanleg atvik (force majeure): Rekstraraðili er ekki ábyrgur fyrir töfum, bilunum eða tjóni sem stafar af atvikum utan hans stjórnunar, svo sem náttúruhamförum, netárásum, verkföllum o.s.frv.

7. Gjöld og greiðslur

7.1 Þóknun: Fyrir vissar aðgerðir (t.d. stofnun Kaupfjelaga) getur Rekstraraðili rukkað gjald, sem er birt á vefsíðunni eða í sérsamningi.

7.2 Greiðsluferli: Notendur skulu veita réttar bankaupplýsingar og samþykkja að greiðslur fari fram samkvæmt verklagi Þjónustunnar. Rekstraraðili ber ekki ábyrgð á töfum eða villum vegna ófullnægjandi upplýsinga.

8. Trúnaður og meðferð gagna

8.1 Persónuupplýsingar: Öll vinnsla persónuupplýsinga fer fram samkvæmt gildandi persónuverndarlöggjöf og persónuverndarstefnu Þjónustunnar, sem er aðgengileg á vefsíðunni.

8.2 Trúnaðarupplýsingar: Notendum er óheimilt að miðla trúnaðarupplýsingum eða gögnum sem þeir fá aðgang að í gegnum Þjónustuna, nema lög krefjist.

9. Hugverkaréttur

9.1 Eigandi efnis: Öll vörumerki, hönnun, kóði og annað efni sem birtist á Þjónustunni tilheyrir Rekstraraðila eða samstarfsaðilum hans, nema annað sé tekið fram. Óheimilt er að endurbirta eða breyta án skriflegs leyfis.

9.2 Innsent efni: Ef Notendur setja inn efni á Þjónustuna, ábyrgjast þeir að þeir brjóti ekki á höfundarrétti eða öðrum rétti þriðja aðila.

10. Breytingar á skilmálum og slit samnings

10.1 Breytingar: Rekstraraðili getur endurskoðað þessa Skilmála hvenær sem er. Ný útgáfa birtist á vefsíðunni og tekur gildi við birtingu.

10.2 Slit: Notandi getur hætt notkun hvenær sem er. Rekstraraðili getur lokað fyrir aðgang Notanda eða sagt upp samningi við brot á Skilmálum eða lögum.

10.3 Varðveisla ákvæða: Ákvæði um takmörkun ábyrgðar, lagaval og önnur ákvæði sem ætlað er að gilda áfram halda gildi sínu eftir slit.

11. Lagaval og dómstólar

11.1 Íslensk lög: Skilmálar þessir lúta íslenskum lögum.

11.2 Varnarþing: Rísi ágreiningur sem ekki næst að leysa með samkomulagi, skal leggja hann fyrir Héraðsdóm Reykjavíkur eða þann dómstól sem lög segja til um.